Քիչ առաջ Շենգավիթի դատարանը ՀՀ երկրորդ նախագահ Ռոբերտ Քոչարյանին կալանավորելու որոշում կայացրեց: Այս մասին լրագրողներին հայտնեց Քոչարյանի պաշտպանը՝ Արամ Օրբելյանը: Ռոբերտ Քոչարյանի շահերի պաշտպան Ռուբեն Սահակյանը նույնպես չմեկնաբանեց, թե նախաքննական մարմինն ինչ հիմք ներկայացրեց դատարանին Քոչարյանին կալանավորելու:
«Եթե ես խոսեմ, կստացվի ընկերներիս հետ պայմանավորվածությունը դրժեցի»,-ասաց պարոն Սահակյանը: Նրա խոսքով, վաղը ասուլիս են հրավիրելու, իսկ չխոսելու պատճառն ընդամենը նախապատրաստվելն է, որ «հանկարծ չսխալվեի եւ չհրապարակի նախաքննության գաղտնիք եւ ենթարկվի քրեական պատասխանատվության»:
Ռուբեն Սահակյանն ասաց, որ դատարանի որոշումը սպասելի էր. «Իհարկե սպասելի էր…, ախր գիտեք, որ ես հայհոյանք տվող եմ»: Ասաց նաեւ, որ Ռոբերտ Քոչարյանն էլ դատարանի որոշմանը «շատ հանգիստ» արձագանքեց: Ռուբեն Սահակյանը նաեւ ասաց, որ բողոքարկելու է դատարանի որոշումը:
Լուսինե ԲՈՒԴԱՂՅԱՆ
