Մանվել Ղազարյանն այն եզակիներից է, ով միշտ ըմբոստացել է. Սուրեն Սարգսյանի անդրադարձը՝ ներքաղաքական զարգացումներին

Մանվել Գրիգորյանի կատարած ապօրինությունների վերաբերյալ բացահայտումներից ու նրա ձերբակալությունից հետո, երեկ տեղի ունեցած զարգացումներն, իրենց աննախադեպությամբ և աղմկահարույց լինելով,  կարելի է համարել վերջին ամիսների և գուցե տարիների ամենասպասելի և միևնույն ժամանակ՝ ամենաանսպասելի իրադարձություններից: ՀՀ նախագահի պաշտոնը տասը տարի զբաղեցրած Ռոբերտ Քոչարյանը վերջապես հարցաքննվեց, և նրան կալանավորելու որոշում կայացվեց:

Այս գործընթացի լրջությունն  ու անհրաժեշտությունը չգնահատելը, դրական չարտահայտվելը օրվա իշխանությունների և մասնավորապես Նիկոլ Փաշինյանի հասցեին, անթույլատրելի կլինի:

Մեկ այլ միտում է նկատվում, սակայն, վերջին ամսվա ընթացքում, որի մասին անհրաժեշտ է ժամանակին բարձրաձայնել և որևէ պարագայում չթույլատրել, որպեսզի այն դառնա մեր հետագայի, մեր, ինչպես ասում են, այլ Հայաստանի բաղկացուցիչներից: Շատերն այսօր իրենց պարտքն են համարում, որպես թավշյա հեղափոխության մասնակից կամ համակիր, ցեխ շպրտել, սևացնել, «գործ տալ» այն մարդկանց վերաբերյալ, ովքեր տարիներ շարունակ, անկախ նրանից, թե ով է եղել իշխանության ղեկին, չեն լքել իրենց հայրենիքը, աշխատել են, ստեղծել, պայքարել, գործարարությամբ զբաղվել կամ արվեստով, զինուժով կամ գիտությամբ:

Երեկ մամուլում և համացանցում վարկաբեկիչ արտահայտություններ և գնահատականներ հանդիպեցի նաև ազատամարտիկ, գործարար Մանվել Ղազարյանի հասցեին:

Թեմայի մանրամասները՝ տեսանյութում:

Սուրեն Սարգսյան