Հայաստանում համաներում վերջին անգամ հայտարարվել է 2013 թվականին: Քրեակատարողական հիմնարկների գերծանրաբեռնվածությունը, որոշ դատապարտյալների` այլևս հանրային վտանգավորություն չներկայացնելը, բազմաթիվ դեպքերում առողջական խնդրի և կալանքի անհամատեղելիությունը ուղղակի առաջացնում են համաներման անհրաժեշտություն: Դիմել եմ վարչապետին` համաներում իրականացնելու առաջարկով:
23 հուլիսի 2018թ.
ՀՀ ՎԱՐՉԱՊԵՏ
ՊԱՐՈՆ ՆԻԿՈԼ ՓԱՇԻՆՅԱՆԻՆ
Հարգելի պարոն վարչապետ,
Հաշվի առնելով ներկայումս Հայաստանի քրեակատարողական հիմնարկների գերծանրաբեռնվածության խնդիրը, ինչպես նաև պատիժ կրող անձանց ու նրանց հարազատների՝ նոր իրողություններով պայմանավորված սպասումները, կարծում եմ երկրում հասունացել է համաներում հայտարարելու պահը:
Հարկ եմ համարում նշել, որ Հայաստանում վերջին անգամ համաներում հայտարարվել է 2013 թվականին՝ Հայաստանի Հանրապետության անկախության 22-րդ տարեդարձի կապակցությամբ: Այսօր համաներում հայտարարելու անհրաժեշտության մասին վկայում են երկրի իրավաբանների ու փաստաբանների մեծամասնությունը: Անշուշտ, պետության կողմից նման կարևոր քայլ կատարելուց առաջ պետք է համադրվեն այն բոլոր նրբություններն ու հարցադրումները, որոնց համակողմանի վերլուծությունը կարող է միայն հուշել արդարադատության շահերի ու մարդկանց իրավունքների ողջամիտ հավասարակշռմամբ համաներում հայտարարելու իրավաչափության մասին: Այնուամենայնիվ, կարծում եմ, որ այս մարդասիրական քայլը նախ՝ հնարավորություն կստեղծի փոքր-ինչ թեթևացնել քրեակատարողական հիմնարկների գերծանրաբեռնվածության խնդիրը, մանավանդ, որ նախորդ իշխանությունների օրոք բազմաթիվ են հանրության համար նվազ վտանգավորություն ունեցող հանցագործությունների համար բավական խիստ պատժաչափերով դատապարտված անձանց թիվը, և ամենակարևորը՝ հանցագործություն կատարած անձանց կտա ուղղվելու և վերասոցիալականացմանը նպաստելու ևս մեկ հնարավորություն:
ՀԱՐԳԱՆՔՈՎ՝
ՀԱՆՁՆԱԺՈՂՈՎԻ ՆԱԽԱԳԱՀ
ՆԱԻՐԱ ԶՈՀՐԱԲՅԱՆ
Նոր Ընտրական Օրէնսգիրք պէտք է որ արգիլէ այս տեսակի կանխահաս ընտրարշավային ճարպիկ քայլեր…