Այսօր Հատուկ քննչական ծառայությունում Մարտի 1-ի գործով պետք է հարցաքննվի երկրորդ նախագահ Ռոբերտ Քոչարյանը:
Վաղ առավոտից լրագրողները ՀՔԾ-ի մոտ սպասում են Քոչարյանին, մինչ այդ որեւէ տեղեկատվություն չեն տրամադրում, թե երբ կգա: Լրագրողների հետ զրույցում Վիկտոր Սողոմոնյանն ասել էր, որ որեւէ տեղեկատվություն այդ մասին չի կարող տալ, որովհետեւ Քոչարյանը հատուկ պահպանվող անձ է:
ՀՔԾ-ի մոտ Մարտի 1-ի զոհերի լուսանկարներով պաստառը ձեռքին Քոչարյանին էր սպասում ակտիվիստ Վարդգես Գասպարին:
Ժամը 14-ի մոտակայքում ՀՔԾ տարածքում էին երկրորդ նախագահի անվտանգության աշխատակիցները: Նրանք մեքենան տեղակայեցին ՀՔԾ-ի մոտ, նույնիսկ մի պահ լրագրողներին մոտեցան, թե տարածք բացեք մեքենայի համար: Այնպիսի տպավորություն էր, որ ուր որ է պետք է գա Քոչարյանը, սակայն նա մինչ այս պահը չի եկել: Ավելին՝ անվտանգության աշխատակիցները նույնպես լքեցին տարածքը:
Ենթադրվում է, որ ամենայն հավանականությամբ Ռոբերտ Քոչարյանը ՀՔԾ է մտել այլ մուտքով եւ անվտանգության աշխատողներն այդպես պարզապես շեղեցին լրագրողների ուշադրությունը:
Մինչ Քոչարյանը կգա, Վաղարշյան փողոցով անցնող անցորդները, իմանալով, որ Քոչարյանն է գալու, բորբոքվում էին եւ ոտքերը կախ էին գցում՝ նրան տեսնելու եւ քննադատելու համար:
Նրանցից մի քանիսի հետ զրույցը՝ ավելի ուշ:
Հռիփսիմե ՋԵԲԵՋՅԱՆ
