Մխիթար Հերացու անվան պետական բժշկական համալսարանի շրջանավարտներն այսօր հանդիսավոր միջոցառման ժամանակ Հիպոկրատի երդում տվեցին եւ ստացան ավարտական վկայականները: Նրանց տեսաուղերձ էր հղել ՀՀ ազգային հերոս, աշխարհահռչակ շանսոնյե Շառլ Ազնավուրը:
«Վերջերս առողջական լուրջ խնդիրներ ունեցա: Կազդուրվելու հարցում ինձ օգնեցին բժիշկները՝ վիրահատություններով եւ նշանակումներով: Հերթական անգամ գիտակցեցի, թե որքան կարեւոր է ձեր մասնագիտությունը»,-ասել է նա:
Շառլ Ազնավուրը մաղթանք է հղել շրջանավարտներին. «Բարի ընթացք ձեզ: Ձեր շնորհիվ շատերը դադարում են հիվանդ լինել: Դուք առաքինի գործ եք կատարում»:
Լուիզա ՍՈՒՔԻԱՍՅԱՆ
