Վաղը՝ հուլիսի 26-ին ժամը 11:00-ին Aravot.am կայքում ուղիղ հեռարձակմամբ դիտեք «Դեմ առ դեմ» հաղորդաշարը: Փոքր ու միջին ձեռներեցները դժգոհում են հարկային վարչարարությունից եւ որոշ տեսուչների՝ կոռուպցիոն նպատակներով ստուգումներից: Հագուստի մանրածախ վաճառքով զբաղվող գործարար Էմիլ Մկրտչյանը ահազանգել է հարկային տեսուչի կասկածելի վարքագծի մասին: Մի խումբ գործարարներ վստահեցնում են, որ այս օրերին հարկայինն անտեղի տուգանքներ է նշանակում, ՀԴՄ կտրոններ չտրամադրելու համար խոշոր չափի տուգանքներ են կիրառվում:
Այս եւ այլ հարցեր են քննարկելու հաղորդման հյուրերը՝ ՊԵԿ առաջին տեղակալ Ռաֆիկ Մաշադյանը եւ գործարար, ՓՄՁ ներկայացուցիչ Էմիլ Մկրտչյանը:
Հաղորդման հյուրերին կարող եք հարցեր ուղղել այս գրառման ներքո՝ որպես մեկնաբանություն, եւ Aravot.am-ի ֆեյսբուքյան էջում:
Մեր կայքում չեն հրապարակվում տրանսլիտով գրված կամ վիրավորանք պարունակող մեկնաբանությունները:
Հաղորդումը կվարի Նելլի ԲԱԲԱՅԱՆԸ
