Տեսչական մարմնի կողմից 2018 թվականի 1-ի կիսամյակում իրականացվել է թվով 124 ստուգում: Իրականացված ստուգումների արդյունքում 85 տնտեսավարող սուբյեկտների մոտ (82.5%) հայտնաբերվել են տարբեր բնույթի, այն է՝ համապատասխանության գնահատման փաստաթղթերի բացակայություն, մակնշման, չափագիտական նորմերի և այլ խախտումներ: Խախտումներ չեն հայտնաբերվել 18 տնտեսվարող սուբյեկտների մոտ, իսկ թվով 21 ստուգում ընթացքի մեջ է:
2018 թվականի 1-ին կիսամյակի ընթացքում նշանակված տուգանքների գումարը կազմել է 13,860,000.0 (տասներեք միլիոն ութ հարյուր վաթսուն հազար) ՀՀ դրամ, որից պետական բյուջե է վճարվել 8,740,000.0 (ութ միլիոն յոթ հարյուր քառասուն հազար) ՀՀ դրամ` գանձելությունը կազմելով 63,1%, գանձումների գործընթացն օրենքով սահմանված կարգով շարունակվում է:
Խախտումները արձանագրվել են հետևյալ ոլորտներում.
– ավտոմոբիլային բենզինի և դիզելային վառելիքի գործունեության ոլորտում իրականացվել է թվով 9 ստուգաթերթով ստուգում, որից 8-ով արձանագրվել են խախտումներ:
Խախտումների բնույթը հետևյալն է. վառելիքը իրացվել է առանց մակնշման, վառելիքի փորձարկման արդյունքների ցուցանիշները չեն համապատասխանել տեխնիկական կանոնակարգով սահմանված անվտանգության ցուցանիշներին, չափման միջոցները շահագործվել են առանց ստուգաչափման:
– ավտոգազալիցքավորման ճնշակայաններում (ԱԳԼՃԿ) իրականացվել է թվով 11 ստուգաթերթով ստուգում և բոլոր ստուգաթերթերով արձանագրվել են խախտումներ: Խախտումների բնույթը հետևյալն է. վաճառքը իրականացվել է խմ-ով` կգ-ի փոխարեն, ճնշումը գերազանցել է թույլատրելի չափը, չափման միջոցները շահագործվել են առանց ստուգաչափման:
– օծանելիքակոմետիակական արտադրանքի անվտանգության ոլորտում իրականացվել է թվով 19 ստուգաթերթով ստուգում, որից թվով 10 ստուգաթերթով արձանագրվել են խախտումներ: Խախտումների բնույթը հետևյալն է. արտադրանքն իրացվել է առանց համապատասխանության հայտարարագրի և մակնշման:
– խաղալիքների անվտանգության ոլորտում իրականացվել է թվով 20 ստուգաթերթով ստուգում, որից թվով 19 ստուգաթերթով արձանագրվել են խախտումներ: Խախտումների բնույթը հետևյալն է. արտադրանքն իրացվել է առանց համապատասխանության սերտիֆիկատով և մակնշման:
– երեխաների և դեռահասների համար նախատեսված արտադրանքի ոլորտում իրականացվել է թվով 11 ստուգայցերով ստուգում, որից 6-ով արձանագրվել են խախտումներ: Խախտումների բնույթը հետևյալն է. արտադրանքն իրացվել է առանց համապատասխանության գնահատման փաստաթղթով և մակնշման:
– չափումների միասնականության ապահովման ոլորտում կիրառվել է թվով 43 ստուգաթերթ, որից 24-ով արձանագրվել են խախտումներ:
– մնացած գործունեության ոլորտները միասին կիրառվել է թվով 116 ստուգաթերթ և 77-ով արձանագրվել են խախտումներ:
Տեսչական մարմինը 2018թ-ի առաջին կիսամյակում իրականացրել է իրազեկում հանդիպումներ ցածրավոլտ և տեխնիկական միջոցների էլեկտրամագնիսական համատեղելիության սարքավորումների ներկրմամբ և իրացմամբ զբաղվող տնտեսվարողների հետ, Վանաձորի տնտեսվարողների հետ, ՀԱՊՀ ուսանողների հետ և Գեղարքունիքի տնտեսվարողների հետ:
Իրազեկման, խորհրդատվության և հանրության հետ տարվող
աշխատանքների բաժին
