«Ազատություն» ռադիոկայան. ԵԱՀԿ Մինսկի խմբի համանախագահները Հայաստանի ու Ադրբեջանի արտգործնախարարներ Զոհրաբ Մնացականյանին և Էլմար Մամեդյարովին առաջարկել են ևս մեկ հանդիպում անցկացնել: Այդ մասին «Ազատությանը» հայտնեց Հայաստանի արտաքին քաղաքական գերատեսչության խոսնակ Տիգրան Բալայանը:
Նա խոստացավ հանդիպման վայրի և ժամկետների վերջնական համաձայնեցումից հետո դրա մասին տեղեկացնել հանրությանը։
Ադրբեջանի արտգործնախարարը երեկ հայտարարել է, որ սեպտեմբերին Նյու Յորքում ծրագրվում է հանդիպում Հայաստանի արտգործնախարարի հետ:
Մնացականյան-Մամեդյարով առաջին հանդիպումը տեղի է ունեցել հուլիսի 11-ին՝ Բրյուսելում:
Սարգիս Հարությունյան
