ԿԳ փոխնախարար Լուսինե Առաքելյանին հարց էինք ուղղել Ազատություն ռ/կ-ի Ֆեյսբուքյան ասուլիսի ժամանակ` արդյոք մտածո՞ւմ էր, որ մի օր ԿԳ փոխնախարար կդառնա:
«Չէի մտածում, բայց չէի էլ բացառում: Ինչու չէի բացառում, որովհետեւ ընդհանրապես կյանքում որեւէ իրավիճակ, հոգեվիճակ, որեւէ աշխատանք չեմ բացառում: Այս առումով, այո չէի սպասում, բայց չէի էլ բացառում…Չեմ բացառել, քանի որ ընդհանրապես մարդու կյանքում կարող է տեղի ունենալ ամեն ինչ ցանկացած պահի»,-ասաց ԿԳ փոխնախարարը:
Նաեւ հետաքրքրվել էինք, թե կոնկրետ ինչ քայլեր է արել ոլորտի` իրեն վերաբերվող հատվածը բարեփոխելու համար:
«Որոշ կարգերի փոփոխություն կախված է Կրթության մասին օրենքի, Հանրակրթության մասին օրենքի փոփոխություններից, այդ առումով ինչ-որ արվել է, դրանք կարգերի փոփոխություններն են…Այս պահին վերջնական տեսք է ստացել ուսուցիչների հավաստագրման գործընթացի մասին կարգը, նաեւ վերապատրաստումների կարգն է փոխվել»,-պատասխանեց Լուսինե Առաքելյանը:
Գոհար ՀԱԿՈԲՅԱՆ
Լուսանկարը` ֆեյսբուքյան ասուլիսի էջից
