Այս տարվա ապրիլին գրանցվել է anun.am կայքը, որտեղ տեղադրված են ՀՀ ընտրողների բոլոր տվյալները: Նշված է նաեւ, թե տվյալ մարդը շաբաթվա որ օրն է ծնվել: Մինչեւ հուլիսի 23-ը դրանք բաց էին, հուլիսի 24-ից որոշ տվյալներ փակվել են աստղանիշով: Կայքը գրանցել է Արթուր Դեմիրճյանը, նրա մասին տեղեկությունները հետեւյալն են` Arthur Demirdjian 1217 S Glendale Ave. Glendale, 91205 US [email protected] 1.8184423174 1.11111111: Արթուր Դեմիրճյանի նշած հեռախոսահամարով հնարավոր չեղավ կապվել:
Aravot.am-ը կապվեց Անձնական տվյալների պաշտպանության գործակալության հետ` կառույցի ֆեյսբուքյան էջի միջոցով:
Այնտեղից պատասխանեցին, որ առեւերույթ՝ anun.am կայքի բազան ստեղծվել է elections.am-ում առկա տվյալների հիման վրա։ Նաեւ խոստացան. «Մենք կզբաղվենք այս հարցով և ընթացքի ու արդյունքների մասին կհայտնենք»:
Ավելի ուշ հայտնեցին, որ ըստ կայքի ծանուցման՝ բոլոր տվյալները վերցված են հանրամատչելի աղբյուրներից:
Հավելենք, որ այդ բազայում կարելի է տեսնել, թե տվյալ անունը կամ ազգանունը կրող քանի մարդ կա Հայաստանում: Օրինակ, պարզեցի, որ Գոհար անունը ՀՀ ընտրողների ցուցակներում հանդիպում է 23508 անգամ, ստանալով տարածման ցուցանիշի 48,1 միավոր: Գոհար անունն առավել տարածված է Սյունիքի Թանահատ համայնքում, որտեղ հաշվառված ընտրողների 5,1%-ը կրում է այդ անունը: Պարզվում է նաեւ, որ ամենատարածված ազգանունը, որ ունեն Գոհար անունով կանայք, Գրիգորյանն է:
Գոհար ՀԱԿՈԲՅԱՆ
