Ինչպես արդեն տեղեկացրել ենք, Էջմիածնի ավագանին այսօր քննարկում էր Մանվել Գրիգորյանին`Էջմիածնի պատվավոր քաղաքացու կոչումից զրկելու հարցը: Նիստի օրակարգում ութ հարց էր: Քննարկումից հետո առանձին քվեարկություն տեղի չունեցավ: Ասացին`նախօրոք, մի քանի օր առաջ հարցի նախաքննարկում են ունեցել, բոլորը կողմ են եղել: Բոլորը բոլոր հարցերին կողմ էին:
Մանրամասները` տեսանյութում
14 ավագանիներից նիստին չէին մասնակցում չորսը`Արման Գրիգորյան, Արտակ Պողոսյան, Կարեն Մովսիսյան եւ Արամայիս Միրզոյան: Արտակ Պողոսյանը Մանվել Գրիգորյանի փեսան է, աղջկա ամուսինը:
Քաղաքապետարանի կայքում, ավագանու անդամների կուսակցական պատկանելության մասին տեղեկություններ չկան: Բայց նրանցից շատերը ՀՀԿ-ական էին կամ ՀՀԿ-ի համակիրներ: ՀՀԿ-ականները հրաժարվել են կուսակցությունից: Մեր տեղեկություններով, Էջմիածնի ավագանիում, սակայն, ՀՀԿ-ականները որոշիչ դեր չեն ունեցել:
Ավագանու նիստի ավարտից հետո Aravot.am-ը փորձեց զրուցել ավագանու անդամների հետ՝ Մանվել Գրիգորյանի հետ կատարվածի, Էջմիածնի նախկին քաղաքապետ Մանվել Գրիգորյանի որդի Կարեն Գրիգորյանի պաշտոնավարման ընթացքի հետ կապված հարցերի շուրջ, սակայն վերջիններս չցանկացան խոսել:
Նելլի ԳՐԻԳՈՐՅԱՆ
