«Առավոտ» օրաթերթի 17.07.2018թ.-ի՝ «Եզդի համայնքը պահանջում է Արագածոտնի մարզի հինգ գյուղերում արգելել քրդերենի դասավանդումը եզդի երեխաներին» հրապարակման վերաբերյալ
Ծանոթանալով «Առավոտ» օրաթերթի 17.07. 2018թ. «Եզդի համայնքը պահանջում է Արագածոտնի մարզի հինգ գյուղերում արգելել քրդերենի դասավանդումը եզդի երեխաներին» հրապարակման հետգրությանն, իսկ ավելի վաղ նաեւ այլ ԶԼՄ-ների տարածած նույնաբովանդակ նյութերին, կցանկանայի նշել հետեւյալը.
Հարցին, որի պատասխանն ակնկալել եք ինձնից, ոչ մեկ անգամ եմ անդրադարձել եւ անհրաժեշտ չեմ համարում հավելյալ մեկնաբանել այն: Հարցին անդրադարձել եմ տարբեր ԶԼՄ-ներով, ավելին՝ «Ես եզդի եմ, եւ դա է վկայում իմ ծննդյան վկայականում կատարած գրառումը». «ՀՀԿ-ական թեկնածու» վերտառությամբ հրապարակումը զետեղված է նաեւ ձեր իսկ թերթի էլեկտրոնային տարբերակի 2017թ. մարտի 9-ի հրապարակումների շարքում /Հոդվածին կարող եք ծանոթանալ հետեւյալ հղումով
Ինչ վերաբերում է տրամաբանության հետ որեւէ աղերս չունեցող հարցը շարունակաբար բարձրացնողներին, նրանց անդրադառնալու հավելյալ անհրաժետություն եւս չեն տեսնում:
ՀՀ ԱԺ պատգամավոր, Պետական-իրավական եւ մարդու իրավունքների պաշտպանության հարցերի մշտական հանձնաժողովի նախագահի տեղակալ, ԵՊՀ դոցենտ Ռուստամ Մախմուդյան
«Առավոտ»
21.07.2018
