2020 թ. օլիմպիական խաղերի ծրագրում բռնցքամարտը թողնել-չթողնելու հարցը հայտնվել է ՄՕԿ-ի գործադիր կոմիտեի օրակարգում:
Տարածված հաղորդագրությունում ասվում է, որ սեղանին է Բռնցքամարտի միջազգային ասոցիացիայում տիրող իրավիճակի մասին հաշվետվությունը, որը լուրջ մտահոգություններ է առաջացրել կազմակերպության գործունեության անկյունաքարային ուղղություններում՝ ներառյալ ղեկավարումը եւ ֆինանսական մենեջմենթը:
ՄՕԿ-ի գործկոմը ուժի մեջ թողել ԱԻԲԱ-ի ֆինանսավորման ժամանակավոր կասեցումը, կազմակերպության ղեկավար Չինգ Կոու Վուի ժամանակավոր հեռացումը եւ իրեն իրավունք վերապահել քննարկել 2020 թվականի օլիմպիական խաղերում բռնցքամարտը ներառելու նպատակահարմարության հարցի քննարկումը:
Հարցը կքննարկվի նոյեմբերի 2-3-ը Մոսկվայի համաժողովից հետո՝ նոյեմբերի 30-ից դեկտեմբերի 2-ը Տոկիոյում կայանալիք ՄՕԿ-ի գործադիր կոմիտեում:
Աշոտ ՀԱԿՈԲՅԱՆ
