«Առավոտը» քանիցս անդրադարձել է Երեւանում տեղադրված ցուցանակներում տեղ գտած տառասխալներին: Տառասխալներն ամենուր են՝ «Այրարատ» կինոթատրոնի մատույցներում, Ֆրանսիայի հրապարակում, այլուր: Գրեթե բոլոր ցուցանակների վրա են. գովազդային վահանակներ, տեղեկատվական ցուցանակներ, «Հայ մեծեր» պաստառներ:
Ամեն անգամ մեր ահազանգից հետո տառասխալներն ուղղվել են, սակայն նոր տեղադրվող ցուցանակներում տառասխալների առկայությունը նշանակում է,
որ Երեւանի քաղաքապետարանի հայերենին չտիրապետող պաշտոնյան շարունակում է պաշտոնավարել: Նոր վրիպակ ենք արձանագրել
«Հայ մեծեր» պաստառներից մեկում:
Նախկին հրապարակումներում նշում էինք նման ցուցանակի տեղը: Հիմա չենք նշի: Թող գտնեն, ուղղեն եւ վերջապես Երեւանը ազատեն հայերենին չտիրապետող պաշտոնյայից: Նոր Հայաստան է, Տարոն Մարգարյանն էլ հեռացել է:
ՆԵԼԼԻ ԳՐԻԳՈՐՅԱՆ
Լուսանկարը՝ հեղինակի
«Առավոտ»
18.07.2018
