ՀՀ սփյուռքի նախարարությունը Հայաստանում հաստատված սիրիահայերի համար աջակցության հերթական ծրագիրն է մեկնարկում՝ «Սիրիահայերի եւ տեղացիների դիմակայունության բարձրացում» խորագրով, որը կտեւի 36 ամիս՝ հուլիսից մինչեւ 2021թ.-ի հունիսը: Սփյուռքի նախարար Մխիթար Հայրապետյանն այսօր լրագրողների հետ ճեպազրույցում նշեց, որ ծրագիրը մեկտեղելու է մի շարք ոլորտների նախաձեռնություններ՝ իրավաբանական խորհրդատվություն, հայերենի ուսուցում, բիզնես-աջակցություն:
«Ավելի քան 9000 սիրիահայ կստանա խորհրդատվական աջակցություն՝ տարբեր ծառայություններից օգտվելու նպատակով: Ավելի քան յոթ հարյուր սիրիահայեր բնակարանի մեկ ամսվա վարձավճար կստանան, լեզվի դասընթացներ կանցնեն»,-նշեց Մխիթար Հայրապետյանը: Նա հավելեց, որ ձեռներեցների համար էլ կկազմակերպվեն բիզնես-սեմինարներ:
«Այսուհետեւ Սփյուռքի նախարարությունն ավելի պատրաստակամորեն է բոլոր ուղղություններով նպաստելու այս ծրագրի հաջողմանը, որովհետեւ սիրիահայերի կյանքի որակի բարելավումը բոլորիս հաջողությունն է»,-վստահեցրեց նախարարը: Նրա փոխանցմամբ՝ ծրագրի նշյալ նախաձեռնությունների շահառուները կլինեն ընդհանուր առմամբ ավելի քան տասը հազար սիրիահայեր: Հավելենք, որ ծրագրի բյուջեն կազմում է 3 միլիոն եվրո. հիմնական ֆինանսավորողը Եվրամիությունն է:
Լուիզա ՍՈՒՔԻԱՍՅԱՆ
Ես հեծանիվ հայտնագործեցիք?
Մի քանի տարիյա տվյալ ծրագիրը գործում է։
…… ու հավաստիացնում եմ Ձեզ, որ ցանկացած սիրիահայ ինքը կարող է բիզնեսի դասընթացներ տալ մեզ բոլորիս։