Ովքե՞ր են խաղում միլիոնավոր դոլարների հետ

«Forbes» հանդեսը հրապարակել է 2018 թվականի ամենաբարձր վարձատրվող 100 մարզիկների ցուցակը, որոնք ընդհանուր առմամբ վաստակել են $ 3,8 միլիարդ: Դա 23 %-ով բարձր է 2017 թվականի ցուցանիշից:

Ցուցակում ընդգրկվել են 10 մարզաձեւեր: Ամենաշատ ներկայացվածը բասկետբոլն է՝ 40 հոգի: Այնուհետեւ գալիս են ամերիկյան ֆուտբոլը՝ 18, բեյսբոլը՝ 14, ֆուտբոլը՝ 9, բռնցքամարտ/MMA-ն՝ 5, թենիսը՝ 4, Ֆորմուլա-1-ը՝ 3, կրիկետը եւ աթլետիկան՝ 1-ական:

Աշխարհի ամենահարուստ մարզիկների top 10-ը.

Ֆլոյդ Մեդվեյզեր,  ԱՄՆ, բռնցքամարտ,  $ 285 մլն

Լիոնել Մեսսի, Արգենտինա, ֆուտբոլ, $ 111 մլն

Կրիշտիանու Ռոնալդու, Պորտուգալիա, ֆուտբոլ, $ 108 մլն

Քոնոր Մակգրեգոր, Իռլանդիա, բռնցքամարտ/MMA, $ 99 մլն

Նեյմար, Բրազիլիա, ֆուտբոլ, $ 90 մլն

Լեբրոն Ջեյմս, ԱՄՆ, բասկետբոլ, $ 85,5 մլն

Ռոժե Ֆեդերեր, Շվեյցարիա, թենիս, $ 77,2 մլն

Ստեֆեն Կարրի, ԱՄՆ, բասկետբոլ, $ 76,9 մլն

Մաթ Ռայան, ԱՄՆ, ամերիկյան ֆուտբոլ, $67,3 մլն

Մեթյու Սթաֆորդ, ԱՄՆ, ամերիկյան ֆուտբոլ, $ 59,5 մլն:

Աշոտ ՀԱԿՈԲՅԱՆ

Լուսանկարը՝ GettyImages-ի (Ֆլոյդ Մեդվեյզեր եւ Քոնոր Մակգրեգոր)