Այսօր սեփական դիմումի համաձայն աշխատանքից ազատվել է Շիրակի մարզպետարանի առողջապահության և սոցիալական ապահովության վարչության պետ Մեսրոպ Բզնունին, որը վեց տարի աշխատում էր մարզպետարանում, սակայն մեկ տարի էր՝ ինչ գլխավորում էր վերոնշյալ վարչությունը։
Թե ո՞րն է եղել պաշտոնաթող լինելու պատճառը, Մեսրոպ Բզնունին Aravot.am-ին փոխանցեց․ «Տեղափոխվում եմ Երևան, նոր աշխատանքի եմ անցնում՝ պետական կառույցում գտնվող ՓԲԸ-ում։ Իմ երեխաները Երևանում են սովորում ու աշխատում, այս պահին ինձ շատ հարմար էր մայրաքաղաք տեղափոխվելը։ Վաղը կտան հրամանս, ես կասեմ կոնկրետ որտեղ եմ անցնում աշխատանքի։
Վաղուց էի ուզում տեղափոխվել, բայց հիմա ստացվեց։ Ամենայն անկեղծությամբ ասում եմ, որ բացառապես իմ որոշումն է եղել մարզպետարանից ազատվելը, նույնիսկ մարզպետն այսօր անակնկալի եկավ։ Ես շնորհակալ եմ մարզպետարանի կոլեկտիվից, մարզպետից ու նաև ամբողջ ղեկավար կազմից արդյունավետ աշխատելու համար»։
Նունե ԱՐԵՎՇԱՏՅԱՆ
