Այսօր՝ հուլիսի 16-ին, տեղի ունեցավ Երկրապահ կամավորականների միության վարչության նիստ: Օրակարգում ԵԿՄ արտահերթ համագումարի հրավիրման կանոնակարգված կազմակերպումն էր, ինչպես նաև միության կանոնադրության պահանջով իրավաբանական գործողություններ իրականացնելիս վարչությանը համապատասխանաբար լիազորելը և այլ աշխատանքային հարցեր:
Նիստին ներկա էին 127 վարչության անդամներ, ԵԿՄ վարչության փոխնախագահներ և վարչության նախագահի թեկնածու Արամ Սարգսյանը:
Արամ Սարգսյանը վստահեցրեց, որ վարչության դռները բաց են ԵԿՄ-ից հեռացածների համար, և այսօր ավելի քան երբևէ Երկրապահը պիտի համախմբվի: Փոխնախագահները կոչ արեցին նախկին ԵԿՄ-ականներին վերադառնալ կառույց՝ գրանցվելով իրենց տարածքային բաժանմունքներում՝ համագումարի նախապատրաստական աշխատանքներին ներգրավվելու և մասնակցություն ունենալու համար:
ԵԿՄ վարչության անդամները քննարկեցին նաև կառույցի հետագա աշխատանքներին առնչվող մի շարք հարցեր:
Հարց իմ լավ ընկեր Արամ Սարգսյանին.Պատերազմ սկսելուց ինչպես են կորդինացվելու բանակի , երկրապահի և իմ նման քաղաքացիների մասնակցությանը պատերազմին:? Ես կարծում եմ այս բոլորը պետք է իրականացնի ՊԲ գլխավոր շտաբը Իմ կարծիքով այլև ԵԿՄ ավելորդ կառույց է; Նա իր գործը արել է և շատ լավ