«Հայաստան» համահայկական հիմնադրամի ղեկավար Արա Վարդանյանը հիմնադրամի գումարները օնլայն խաղատներում խաղադրույք կատարելուց հետո բավարարվեց միայն երկու օր ձերբակալված մնալով ու պաշտոնից հրաժարական տալուց հիմնադրամի շահառուներից ներողություն խնդրելով։
Ճիշտ է, նրա ձերբակալությունից հետո նրա փաստաբանները հայտարարում էին, որ Վարդանյանը հիմնադրամին պատճառել է 0 դրամի վնաս, քանի որ հիմնադրամի բանկային քարտից կատարված խաղադրույքները հետո վերադարձվել են։ Փաստաբանների այդ հայտարարություններից հետո առողջ մտածող մարդկանց մոտ հարց էր առաջանում, թե այդ դեպքում միջին աշխատավարձ ստացած մարդուն որտեղից 130 միլիոն դրամ խաղադրույք կատարելու համար։
Արա Վարդանյանը, 8 տարի շարունակ ղեկավարելով հիմնադրամը, կարողացել է մի շարք բիզնեսներ «հետ գցել», որոնց միջոցով էլ գումարներ է դիզել։ Մասնավորապես, «Ժամանակի» ունեցած տեղեկություններով՝ նրան են պատկանում Երևանում գտնվող «Պաուլաներ» բավական թանկ գարեջրատների ցանցը։ Գարեջրատները տեղակայված են հիմնականում քաղաքի կենտրոնում՝ Թամանյան, Տերյան, փողոցների վրա և համարվում են «պրիստիժ» ժամանցի վայր և մշտապես լիքն են հաճախորդներով։ Լավ կլինի, որ ԱԱԾ-ն Վարդանյանի կողմից հիմնադրամի միջոցները խաղատներում վատնելուց զատ, պարզի, թե ինչպես է արդեն նախկին պաշտոնյան ապօրինի հարստացել։
Հոդվածն ամբողջությամբ՝ «Ժամանակ» օրաթերթի այսօրվա համարում
