Այսօր ԱԺ-ում առաջին ընթերցմամբ քննարկված նախագծերը դրվեցին քվեարկության եւ ընդունվեցին:
Վարչական իրավախախտումների համար կիրառված տուգանքները համաներելու նախագիծը պետք է ընդունվեր պատգամավորների ձայների մեծամասնությամբ, այսինքն, անհրաժեշտ էր 53 կողմ ձայն: Այդ նախագծին կողմ քվեարկեց 71 պատգամավոր, մեկ պատգամավոր էլ ձեռնպահ էր: Մինչ քվեարկությունը Հայկ Բաբուխանյանն ասաց, որ ինքը կողմ է քվեարկելու՝ այն հույսով, որ իր ներկայացրած 6 առաջարկները կընդունվեն:
«Զինվորական ծառայության եւ զինծառայողի կարգավիճակի մասին օրենքում» փոփոխություններ եւ լրացումներ կատարելու նախագծին միաձայն կողմ քվեարկեց 72 պատգամավոր:
«Ստեղծագործ Եվրոպա» ծրագրին Հայաստանի միանալու նախագծին կողմ քվեարկեց 72 պատգամավոր, այս նախագծին ձեռնպահ քվեարկեց Բաբուխանյանը՝ ասելով, որ ժամանակ չի եղել նախագիծն ուսումնասիրելու, հրատապ ռեժիմը թույլ չի տվել:
Իսկ «Քրեակատարողական օրենսգրքում» փոփոխություններ եւ լրացումներ կատարելու նախագծին, որով դատապարտյալների տեսակցության ժամը կրկնապատկվելու է, կողմ քվեարկեց 69 պատգամավոր:
Հռիփսիմե ՋԵԲԵՋՅԱՆ
