Հայաստանում ԱՄՆ դեսպան Ռիչարդ Միլսը գոհ է ՀՀ կառավարության կողմից Ամուլսարի ոսկու հանքարդյունաբերական ծրագրի բնապահպանական աուդիտի անցկացման որոշումից, սակայն ակնկալում է, որ աուդիտները միակողմանիորեն կտարածվեն հանքարդյունաբերության ողջ ոլորտում։ Այս մասին «Հայկական ժամանակի» հարցմանն ի պատասխան ընդգծել է Միլսը։
Մի քանի օր է արդեն ՀՀ Վայոց ձորի մարզում «Լիդիան Արմենիա» ընկերության «Ամուլսար» հանքավայրի շինարարության ծրագիրը դադարեցված է, քանի որ մի խումբ քաղաքացիներ բողոքի ցույցեր են իրականացնում ընկերության դեմ։ Lydian International Limited-ի դուստր ընկերություն հանդիսացող «Լիդիան Արմենիա»-ն ներկայումս Հայաստանի տնտեսությունում ամերիկյան խոշորագույն ներդրումն ապահովող ընկերություններից մեկն է: Անգամ վարչապետ Նիկոլ Փաշինյանի՝ Ամուլսարի հանքավայր այցից եւ բնապահպանների ու «Լիդիան Արմենիա»-ի ներկայացուցիչների հետ համատեղ հանդիպումից հետո խնդրի հանգուցալուծման հեռանկարը մնում է մշուշոտ։
Կողմերը մնում են իրենց անզիջում դիրքերում։ Բնապահպանները եւ Ջերմուկ համայնքի բնակիչների մի մասը պահանջում են հանքի շահագործման դադարեցում, որը կտրականապես անընդունելի է «Լիդիան Արմենիա» ընկերության համար։ Հանքարդյունաբերող ընկերությունը, յուր ներդրումները պաշտպանելու եւ խախտված իրավունքները վերականգնելու համար, դիտարկում է անգամ արբիտրաժային դատարան դիմելու տարբերակը։
Արշալույս ՄՂԴԵՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
