Դիլիջան համայնքի ղեկավար Արմեն Սանթրոսյանին հարցրինք`Դիլիջան քաղաքում եկեղեցու շինարարությունը սկսելու գործում գործում առաջընթաց չկա՞: Քաղաքապետն ասաց`ոչ:
2017թ. հունվարի 1-ի դրությամբ 18 հազար 667 բնակիչ ունեցող Դիլիջան քաղաքում եկեղեցի չկա: Արդեն 8 տարի Տեր Շավարշ քահանա Սիմոնյանը հոգեւոր արարողություններ է կատարում «Թուֆենկյան» թանգարանային համալիրի մաս կազմող սենյակներից մեկում: Այդ սենյակի համար Հայ առաքելական եկեղեցին ամեն ամիս «Թուֆենկյան» ընկերությանը վճարում է 90 հազար դրամ:
2015թ. հոկտեմբերի 30-ին Ամենայն հայոց կաթողիկոս Գարեգին Երկրորդը Դիլիջանում կատարեց եկեղեցու հողօրհնեքի արարողություն, որով տրվեց եկեղեցու կառուցման ծրագրի մեկնարկը: Այն կառուցվելու էր Սուրբ Էջմիածնի, Դիլիջանի քաղաքապետարանի, Հայաստանի զարգացման հիմնադրամի համատեղ ջանքերով, Ռուբեն Վարդանյանի եւ Գագիկ Ադիբեկյանի բարերարությամբ: Գրեթե 3 տարի է անցել, սակայն Դիլիջանում եկեղեցու շինարարությունը չի սկսվել: Դիլիջանի քահանա Տեր Շավարշը նախկինում մեզ հայտնել է, որ շինարարության մեկնարկի ուշացման պատճառն այն է, որ եկեղեցու նախագծում փոփոխություններ պետք է կատարվեն:
Դիլիջանի համայնքապետարանի «Դիլիջան» պաշտոնաթերթը տարիներ առաջ տեղեկացրել է, որ ամերիկահայ Ջոն Սթիվենսը(Հովհաննես Ստեփանյան) Դիլիջանում եկեղեցի կառուցելու համար 2006թ. նվիրաբերել է 1 միլիոն ամերիկյան դոլար: Այդ բարեգործությունից մի քանի տարի անց Ջոն Սթիվենսը մահացել է:
Ոսկան ՍԱՐԳՍՅԱՆ
Ել ինչ եկեղեցի………
Հիմա աղանդա տիրում։