ՀՀ կենտրոնական զինվորական հավաքակայանում լրագրողների հետ հանդիպմանն այսօր ՀՀ Պաշտպանության փոխնախարար Գաբրիել Բալայանն անդրադարձավ Ադրբեջանի նախագահ Իլհամ Ալիեւի այսօրվա հայտարարությանը, թե Ադրբեջանը դերակատարում է ունեցել ՀՀ-ում վերջերս տեղի ունեցած իշխանափոխության գործում, ինչի արդյունքում Նիկոլ Փաշինյանն ընտրվել է վարչապետ:
«Կարծում եմ՝ Ալիեւի հայտարարությունները մեր հասարակության շրջանում եւ, առհասարակ, ամբողջ աշխարհում այլեւս ընկալվում են որպես իրականությունից կտրված»,-ասաց փոխնախարարը:
Ըստ նրա՝ նշյալ հայտարարությունն էլ իրականությունից կտրվածների շարքից է: «Եթե հաշվի առնենք, թե Ալիեւը ֆանտաստիկայի ժանրի ինչպիսի հայտարարություններ է անում առհասարակ, ապա այս մեկը փոքր ինչ համեստ է թվում»,-եզրափակեց Գաբրիել Բալայանը:
Լուիզա ՍՈՒՔԻԱՍՅԱՆ
