Լրագրողների հետ զրույցում այսօր ՀՀ վարչապետ Նիկոլ Փաշինյանն անդրադարձավ Մարտի մեկի գործով հնչող հայտարարություններին, թե ՀՀ երկրորդ նախագահ Ռոբերտ Քոչարյանը պետք է հարցաքննության հրավիրվեր ոչ թե որպես վկա, այլ որպես մեղադրյալ: «Բոլորն իրավունք ունեն կարծիքներ ունենալ, իսկ դատավարական որոշումները կայացնում են նախաքննությունն իրականացնող մարմինները»,-ընդգծեց Նիկոլ Փաշինյանը: Հիշեցնենք՝ Ռոբերտ Քոչարյանը Երեւան վերադառնալուց հետո կներկայանա հատուկ քննչական ծառայություն:
Փաշինյանն անդրադարձավ մեկ այլ իրավական խնդրի: Օրերս որոշ դատապարտյալների հարազատներ բողոքի ցույց էին անում կառավարության դիմաց՝ պահանջելով համաներում: Այս առնչությամբ Նիկոլ Փաշինյանը նշեց. «Բոլոր հարցերն ու առաջարկները քննարկվում են: Կառավարությունը նախապես երբեք չի հայտարարում՝ համաներում լինելո՞ւ է, թե ոչ»:
Լուիզա ՍՈՒՔԻԱՍՅԱՆ
