Հուլիսի 4-ին «ԵՄ-ն բիզնեսի համար» նախաձեռնությունը Հայաստանում նոր ծրագիր գործարկեց, որը նպատակ ունի բարելավել Հայաստանի ու այլ Արևելյան գործընկեր երկրների փոքր և միջին ձեռնարկատիրությունների (ՓՄՁ-ներ) մրցունակությունը, ինչպես նաև կապել նրանց միջազգային և ԵՄ շուկաների հետ:
«Արևելյան գործընկերություն. առևտրային գործունեության պատրաստություն – EU4Business-ի նախաձեռնություն» ծրագիրը պաշտոնապես մեկնարկել է 2018թ.-ի մարտին՝ Փոքր և միջին ձեռնարկատիրության զարգացման ազգային կենտրոնի (ՓՄՁ ԶԱԿ) հետ համատեղ իրականացվող ագրոարդյունաբերության ոլորտում գործող ՓՄՁ-ների շրջանում անցկացված հարցումով:
Հիմնվելով հարցման, ինչպես նաև ծրագրի մեկնարկային փուլի ընթացքում բացահայտված արդյունքների վրա՝ առանձնացվել է երեք առաջնային արժեշղթա՝ դեպի ԵՄ արտահանման ներուժի տեսանկյունից ծրագրային աջակցություն ցուցաբերելու նպատակով: Դրանք են՝ վերամշակված մրգի ու բանջարեղենի, չորացրած մրգի ու բանջարեղենի և բուսական թեյի արժեշղթաները: Հարցման արդյունքները ցույց են տալիս, որ ուսումնասիրված ընկերությունների 25%-ն արդեն իսկ արտահանում է իրականացնում դեպի ԵՄ, իսկ 32%-ը հետաքրքրված է ԵՄ շուկա մուտք գործելու հարցում:
Առանձնացված ապրանքային խմբերի համար նույնպես իրականացվել է արժեշղթայի վերլուծություն, որի արդյունքները ներկայացվել և քննարկվել են միջոցառման ընթացքում:
EU NEIGHBOURS east
