ՀՀ Լոռու մարզպետի տեղակալ Սերգեյ Սարուխանյանը 2018թ. հուլիսի 4-ին այցելեց աշխատակազմի Սպիտակի սոցիալական աջակցության տարածքային գործակալություն, որի պետի ժամանակավոր թափուր պաշտոնը ՀՀ Լոռու մարզպետարանի աշխատակազմի ղեկավարի՝ 2018թ. հունիսի 29-ի թիվ 156 հրամանով զբաղեցնում է Վահան Ղոչիկյանը:
Գործակալության նոր ղեկավարի նշանակումով պայմանավորված, Սպիտակի սոցիալական աջակցության տարածքային գործակալությունը փոխեց նաև իր աշխատանքային հասցեն, այն արդեն գործելու է Սպիտակի Եռանկյունի կենտրոնական թաղամասում:
ՀՀ Լոռու մարզպետի տեղակալ, սոցիալական ապահովության բնագավառը համակարգող Սերգեյ Սարուխանյանը նախ ծանոթացավ գործակալության աշխատանքային նոր պայմաններին, համոզվեց, որ պատշաճ սպասարկում իրականացնելու համար այս նոր աշխատավայրը նախնական տարբերակով ընդունելի է, ապա կոլեկտիվի յուրաքանչյուր անդամի հետ մտերմիկ զրույցով ամբողջացրեց անդրանիկ հանդիպումը:
Լոռու մարզպետարան
