«Արևմուտքի հետ Հայաստանի հետագա համագործակցությունը խոստումնալից կլինի, եթե ՀՀ իշխանությունները մտադրված լինեն շարունակել աշխատել հնչող առաջարկների ուղով»,- ասաց եվրոպացի քաղաքագետ Կոնրադ Զաշտովտը՝ անդրադառնալով ՆԱՏՕ-Հայաստան հարաբերությունների ապագային՝ ՀՀ նոր իշխանությունների օրոք առաջիկա գագաթաժողովում ՀՀ վարչապետ Փաշինյանի մասնակցությանը։
Եվրոպացի փորձագետն արձանագրեց, որ ՀՀ նոր իշխանությունները պահպանում են հավասարակշռությունն Արևմուտքի և Արևելքի միջև, ինչը Հայաստանի դեպքում ամենաօպտիմալ արտաքին քաղաքականությունն է՝ հաշվի առնելով տարածաշրջանում առկա խնդիրները, Հայաստանի աշխարհագրությունը, Ռուսաստանի ազդեցությունը տարածաշրջանում և աշխարհաքաղաքական իրավիճակը։
«Սակայն, ըստ իս, Արևմուտքի՝ ԱՄՆ-ի, ԵՄ-ի, ՆԱՏՕ-ի և այլ երկրների հետ հարաբերություններում Հայաստանն ավելի մեծ առաջընթաց կարող է ունենալ ցանկության դեպքում, միաժամանակ պահպանելով լավ հարաբերություններ Ռուսաստանի հետ։ Կարծում եմ՝ պաշտոնյաների ընկալումը ևս այսպիսին է, քանի որ ԵՄ-ն հարգել է Հայաստանի կայացրած բոլոր որոշումները, և դա անելով՝ շարունակում է անել իր առաջարկները ՀՀ նոր իշխանություններին։ Կա հնարավորություն, թե ինչպես կիրացվի՝ կախված է որոշում կայացնողներից»,- ասաց նա։
Ա. ՄԱՐՏԻՐՈՍՅԱՆ
Հոդվածն ամբողջությամբ կարող եք կարդալ «168 ժամ» թերթի այսօրվա համարում
