«Միջազգային եւ անվտանգության հարցերի հայկական ինստիտուտի» այսօրվա քննարկման ժամանակ փորձագետները ՀՀ ՊՆ մամուլի խոսնակ Արծրուն Հովհաննիսյանից հետաքրքրվեցին, թե ինչ է անում ՊՆ ղեկավարությունը՝ Ռուսաստանից սպառազինության գնման կախվածությունը թուլացնելու համար: Արծրուն Հովհաննիսյանը հայտնեց, որ որոշ փաստերի մասին բարձրաձայնել չի կարող, միայն կարող է ասել հետեւյալը.
«Ի տարբերություն Ադրբեջանի, մեր դեպքում լուծումը սեփական միջոցներով երկարաժամկետ ներդրումներ անելն է, որպեսզի կախվածության հարցը մեր շնորհիվ նվազեցնենք: Իսկ թե ինչո՞ւ ենք այդ ճանապարհն ընտրել, հրապարակային քննարկման թեմա չէ»:
Արծրուն Հովհաննիսյանի խոսքով. «Սպառազինության առումով Ադրբեջանին հասնելու խնդիր չունենք, որովհետեւ դա փակուղային ճանապարհ է՝ զենքերի քանակի ու տեսակի առումով: Կարող է ոմանք ասածս չհասկանան կամ սխալ մեկնաբանեն, բայց Ադրբեջանի սպառազինության ամենաթույլ կողմերից մեկը տեսականին է: Մեծ հաշվով, հիմնական մատակարարից՝ Ռուսաստանից, գրեթե ամեն ինչ գնելու խնդիր Ադրբեջանը չունի: Կան որոշ բացառություններ՝ կապի համակարգեր, ԱԹՍ-ներ, որոնք կարող է եւ այլ երկրներից գնել»:
https://www.facebook.com/aravot.am/videos/2059469587404879/
Կարդացեք նաև
Լուիզա ՍՈՒՔԻԱՍՅԱՆ
