Միքայել Մելքումյանի ելույթը ԵԽԽՎ-ում փախստականների վերաբերյալ
Հարգելի գործընկերներ,
Իհարկե,՛ փախստականների տեղավորման, նրանց սոցիալական, կրթական, աշխատանքային և մյուս բոլոր խնդիրների լուծումը ամենաարդիականներից մեկն է Եվրոպայում և աշխարհում:
Հատկապես գերարդիական է մնում փախստականների խնդիրը: Անթույլատրելի է և հակամարդկային, որ երեխայի ընտանիքը փախստական է և հնարավորություններ չունի ինքն օգտվի իր համամարդկային իրավունքները իրացնելու հնարավորությունից:
Անցած նստաշրջաններից մեկի ժամանակ այս դահլիճում ասել եմ, որ չի կարելի թույլ տալ սոցիալական դեմպինգ և հանրային կոնսեսուսի առարկա կարող է լինել չունևոր խավերի երեխաների սոցիալական, կրթական և առողջապահական բարձրակարգ ծառայություններից օգտվելու իրավունքի ապահովումը:
Անհրաժեշտ է, որպեսզի վիճակագրական մարմինները, ինչու չէ նաև Եվրոստատը մեզ ներկայացնեն ապագայի սոցիալական միտումները և քարտեզները հասարակական տարբեր շերտերի՝ այդ թվում երեխաների, որով մենք կարողանանք կարգավորել և կանխարգելել անառողջ և հակամարդկային զարգացումը:
Հավատացնում եմ Ձեզ, որ անհրաժեշտ է ունենալ վերոնշյալ երևույթների իրական գնահատման վիճակագրական մեթոդաբանություն:
Դա նշանակում է, որ տարբեր երկրների վիճակագրական ծառայությունները պարտավորություններ կստանձնեն փախստականների և նրանց երեխաների իրական վիճակի մասին տեղեկատվություն տրամադրելու համար:
Մենք արդեն ասել ենք և դա փաստ է, որ ՀՀ-ն ընդունել է շուրջ 21000 սիրիահայ փախստականների, այդ թվում երեխաների, որոնց աշխատանքի, կրթության և սոցիալական հարցերը լուծված են:
Եկեք լուծենք այս հարցերը և մենք կունենանք արժանապատիվ ապագա:
Դե ուրեմն, մեր երեխաների համար պայման ստեղծենք՝ լինելու ազնիվ, պրոֆեսիոնալ և զինված բարձրակարգ գիտելիքներով:
