Նիկոլ Փաշինյանից այսօր օգտատերերից մեկը հետաքրքրվեց, թե ինչու թույլ չի տալիս ազատվեն Գարեգին Բ կաթողիկոսից: Ի պատասխան վարչապետը, որը ուղիղ հեռարձակմամբ պատասխանում էր ֆեյսբուքյան օգտատերերի հարցերին, ասաց, որ ինքն այդ մասին դիրքորոշում հայտնել է եւ այն հետեւյալն է, որ պետությունն ու եկեղեցին անջատ կառույցներ են եւ որ պետությունը չպետք է խառնվի եկեղեցու հարցերին: Եվ՝ հակառակը:
Ինչ վերաբերում է Ֆուտբոլի ֆեդերացիայի նախագահ Ռուբեն Հայրապետյանին պաշտոնանկ անելուն, ապա, վարչապետն ասաց, որ ֆեդերացիան հասարակական կազմակերպություն է եւ շուտով ֆեդերացիայի նախագահի ընտրություններ են սպասվում եւ համապատասխան անձինք կընտրեն մարդկանց սրտով ֆեդերացիայի նախագահ:
Լուսինե ԲՈՒԴԱՂՅԱՆ
