«Պետք է փորձել հասկանալ՝ ինչպե՞ս են այդ ուղղաթիռները հայտնվել Ադրբեջանում: Դրանք «մաքուր» ռազմական նշանակության չեն, բայց երկակի են, այսինքն՝ կարող են նաեւ ռազմական նպատակներով օգտագործվել: Իտալական ընկերություններից մեկն, օրինակ, արդիականացրել է այդ ուղղաթիռները եւ ռազմական նպատակով է օգտագործում»,-«Հենարան» մամուլի ակումբում լրագրողների հետ հանդիպմանն այսօր անդրադառնալով փաստին, որ Ադրբեջանը ձեռք է բերել ամերիկյան արտադրության Bell 412 ուղղաթիռներ, որոնք հունիսի 26-ին մասնակցելու են Բաքվում կայանալիք զորահանդեսին, ասաց Razm.info մասնագիտացված կայքի վերլուծաբան, Ադրբեջանի հարցերով փորձագետ Տարոն Հովհաննիսյանը:
Նրա խոսքով՝ այս պահին հստակ չէ՝ ԱՄՆ-ի՞ց են ուղղաթիռները մատակարարվել Ադրբեջանին, թե մատակարարն այն երկիրն է, որը վաղուց ձեռք է բերել կամ օգտագործում է դրանք. «Օրինակ՝ Պակիստանը շատ հանգիստ կարող էր դրանք վերամատակարարել Ադրբեջանին: Քսան երկիր կա, որոնք այժմ օգտագործում են այդ ուղղաթիռներից»:
Ըստ Տարոն Հովհաննիսյանի՝ նշվածը չի ենթադրում, թե ԱՄՆ-ի հետ ՀՀ-ն այդ հարցում անելիք չունի. «Պետությունը պատասխանատու է իր զենքի տեղաշարժը վերահսկելու գործում»:
https://www.facebook.com/aravot.am/videos/2045423065476198/
Լուիզա ՍՈՒՔԻԱՍՅԱՆ
