«Հերթական անհեթեթ մեղադրանքը։ Եթե մի հատ լուրջ ապացույց ունենային, արդեն միջնորդել էին կալանքի համար։ Մինչդեռ երկրորդ գործով անգամ խափանման միջոց չեն ընտրել։ Քննչական կոմիտեի առանց նախագահ խարդավանքների հետևանքն է»,- իր ֆեյսբուքյան էջում այսպես է մեկնաբանել Մասիսի քաղաքապետ Դավիթ Համբարձումյանի պաշտպան, փաստաբան Տիգրան Աթանեսյանը այն տեղեկությունը, որ ՀՀ քննչական կոմիտեի զինվորական քննչական գլխավոր վարչության հատկապես կարևոր գործերի քննության վարչությունում քննվող քրեական գործով փաստական տվյալներ են ձեռք բերվել՝ 2018թ. ապրիլի 22-ին՝ ժամը 16:00-17:00-ի սահմաններում, Արարատի մարզի Հայանիստ-Հովտաշատ գյուղերի խաչմերուկի բանուկ հատվածում տեղի ունեցած միջադեպին Մասիսի քաղաքապետ Դավիթ Համբարձումյանի մասնակցության վերաբերյալ։ Նրան առաջադրվել է արդեն երկրորդ մեղադրանքը:
