Քիչ առաջ վարչապետ Նիկոլ Փաշինյանի հրամանով Լոռու մարզպետի տեղակալ նշանակվեց Անդրեյ Ղուկասյանը: Ղուկասյանը «Քաղաքացիական պայմանագիր» կուսակցության Վանաձորի տարածքային կառույցի խորհրդի անդամ է, մասնագիտությամբ ատամնաբույժ:
Հիշեցնենք, որ դեռ օրեր առաջ, Անդրեյ Ղուկասյանի անունն ի թիվս այլ անձանց, նույնպես շրջանառվում էր Լոռու մարզպետի պաշտոնի համար:
Այս պահին Լոռու փոխմարզպետի պաշտոնները զբաղեցնում են «Քաղաքացիական պայմանագիր» կուսակցության երկու անդամները՝ Անդրեյ Ղուկասյանն ու Արամ Խաչատրյանը:
Լոռու մարզպետի տեղակալի պաշտոնից ազատման դիմում է ներկայացրել նաեւ «Հայ Յեղափոխական Դաշնակցություն» կուսակցության անդամ Հովհաննես Թադեւոսյանը:
Տաթեւիկ ՂԱԶԱՐՅԱՆ
