«Դիմում եմ վարչապետ Նիկոլ Փաշինյանին: Պահանջում եմ, որ նա ներողություն խնդրի՝ Մանվել Գրիգորյանի արժանապատվությունը վիրավորելու համար, եւ կոչ եմ անում դիմել հանրությանը»,-«Հայելի» մամուլի ակումբում լրագրողների հետ հանդիպմանն այսօր նման հայտարարություն արեց ԵԿՄ նախագահ, Արցախի հերոս, ապօրինի զենք-զինամթերք պահելու եւ խոշոր չափի յուրացում կատարելու համար մեղադրվող Մանվել Գրիգորյանի շահերի պաշտպաններից փաստաբան Լեւոն Բաղդասարյանը:
«Փաշինյանը պետք է հայտարարի, որ հանրությունը պետք է վերջ տա Գրիգորյանի հանդեպ այս անհանդուրժող մթնոլորտին եւ հայտարարություններին: Դա խոչընդոտում է իրավապահ մարմինների կողմից օբյեկտիվ քննություն կատարելուն»,-համոզմունք հայտնեց Լեւոն Բաղդասարյանը:
Ապա նա հիշեցրեց, որ երկրում իրավիճակ է փոխվել, բայց դա չի նշանակում, թե հանրությունը պետք է ինքնագլուխ դատաստան տեսնի անձի հանդեպ. «Դրա պատասխանատուն գործող իշխանությունն է, իսկ նպաստողն ու տարածողը՝ լրատվամիջոցները»։
Լուիզա ՍՈՒՔԻԱՍՅԱՆ
