Ռուսաստանը ԵԱՀԿ Մինսկի խմբի մյուս համանախագահների հետ աշխատում է Լեռնային Ղարաբաղի հիմնախնդրի կարգավորման ուղղությամբ: Այս մասին հայտարարել է Ռուսաստանի արտգործնախարար Սերգեյ Լավրովը ՄԱԿ-ի գլխավոր քարտուղար Անտոնիո Գուտերիշի հետ հանդիպումից հետո, հաղորդում է ՏԱՍՍ-ը:
«Դրանով (Արցախյան հակամարտության կարգավորմամբ- խմբ.) մինչ այժմ մենք բոլորս զբաղվում ենք. Ռուսաստանը ԱՄՆ-ի և Ֆրանսիայի հետ՝ որպես ԵԱՀԿ Մինսկի Խմբի համանախագահներ, Երևանի և Բաքվի լիարժեք համաձայնությամբ աշխատում է այն առաջադրանքների իրականացման շուրջ, որոնք դրված են մեր բոլորի առաջ,- ասել է նա:- Որպեսզի դա տեղի ունենա, անհրաժեշտ է կոնսենսուս հակամարտության բոլոր կողմերի միջև: Եվ հենց որ մենք առաջ շարժվենք այդ ուղղությամբ, ես վստահ եմ, կարգավորումը սարերի ետևում չի լինի»:
Լավրովը հիշեցրել է, որ ԵԱՀԿ Մինսկի խումբը ստեղծվել է հակամարտության բոլոր կողմերի համաձայնությամբ և շարունակում է զբաղվել «տարածքների ազատագրման և քաղաքական կարգավորման հարցերով՝ մինչև Լեռնային Ղարաբաղի վերջնական կարգավիճակի որոշումը»:
Պատրաստեց Վիկտորյա ԱՆԴՐԵԱՍՅԱՆԸ
