Տավուշի մարզի առաջին ատյանի դատարանում ընթանում է Բերդ քաղաքի բնակիչ, 1960թ. ծնված Սարգիս Մելիքյանի դատավարությունը: Վերջինիս մեղադրանք է առաջադրվել այն բանի համար,որ նա յուրացման եղանակով, ուրիշի գույքի զգալի չափերով հափշտակություն կատարելու դիտավորությամբ, 2016թ. նոյեմբերի վերջին, Բերդ քաղաքում գտնվող, մշակելու համար իրեն վստահված, սեփականության իրավունքով Վահան Հակոբյանին պատկանող այգուց հատելով՝ հափշտակել է 241 հազար 500 դրամ արժողությամբ ընկուզենի տեսակի պտղատու ծառը եւ այն օգտագործել որպես վառելափայտ:
Նշենք, որ ընկուզենին գրանցված է ՀՀ Կարմիր գրքում:
Ս. Մելիքյանին մեղադրանք է առաջադրվել ՀՀ քրեական օրենսգրքի 179 հոդվածի 1-ին մասով («Յուրացնելը կամ վատնելը»): Նրա նկատմամբ խափանման միջոց է ընտրվել չհեռանալու մասին ստորագրությունը:
Ոսկան ՍԱՐԳՍՅԱՆ
