Պետական վերահսկողական ծառայության ղեկավար Դավիթ Սանասարյանն այսօր կառավարության նիստին շտապելիս, լրագրողների հարցին, թե առաջինը ո՞ր ոլորտ է մտնելու ասաց՝ պաշտպանության նախարարություն: Հարցին, թե գնումների՞ մասով, Դավիթ Սանասարյանը պատասխանեց. «Ոչ միայն, առհասարակ պաշտպանության նախարարություն»:
Այն հարցերին, թե ինչո՞ւ հենց ՊՆ, մե՞ծ ծավալների մասին է խոսքը, կա՞ն նոր աղմկահարույց բացահայտումներ, ի պատասխան պարոն Սանասարյանն ասաց՝ սպասեք՝ կտեսնեք. «Ես չեմ ուզում ոչ պրոֆեսիոնալ բաներ ասել: Այս կառույցին շատ մեծ լիազորություններ են տրված: Ամբողջ պետական համակարգի, այդ թվում, ինչ-որ չափով տեղական ինքնակառավարման մարմինների վերահսկողությունն ենք իրականացնելու: Ուղղակի ռեսուրսների խնդիր է, առաջնահերթ որ կառույց ենք մտնում, հետո՝ որ: Թող բոլորը մեզ սպասեն»:
Լուսինե ԲՈՒԴԱՂՅԱՆ
