Կրթության եւ գիտության նախարար Արայիկ Հարությունյանն անդրադառնալով թիվ 119 դպրոցում արձանագրված դեպքին՝ երեկ ուղիղ եթերի ընթացքում ասաց. «Կա մի աշակերտուհի, որը իմ տվյալներով 7 ամիս բացակայում է հանրապետությունից: Այսօր գնացի մաթեմատիկայի քննությանը՝ ստուգելու այդ փաստը: Պարզվեց, որ այդ աշակերտուհին իբր քննությունները հանձնել է անցյալ կիսամյակի վերջում, ինչի իրավունքն ուներ, բայց հանկարծ բացվեցին մատյանները և տեսանք, որ ոչ միայն անցյալ կիսամյակի վերջում, այլև այս կիսամյակի ընթացքում նրա անվան դիմաց նշանակվել են գնահատականներ»:
Ըստ նրա՝ փաստերն այնքան շատ են, որ ստիպված են դիմել իրավապահ մարմիններին. «Ցանկանում ենք անել առավելագույնը՝ իրավապահներին կրթական համակարգ չմտցնելու համար, բայց սա լուրջ խնդիր է և եթե այս բացահայտումը չլիներ, նա ստանալու էր ատեստատ»:
Մանրամասն՝ տեսանյութում
