Բաց նամակ ՀՀ վարչապետին

Մեծարգո պարոն Վարչապետ

Սույն թվականի հունիսի 19-ին, ժամը 18-ին, ՀՀ կառավարության կայքում հրապարակվել է Ձեր որոշմամբ հաստատված՝ Սննդամթերքի անվտանգության տեսչական մարմնի կառավարման խորհրդի կազմը: Ապա` միայն սոցիալական կայքերից (ՓՄՁ համագործակցության ասոցիացիայի ֆեյսբուքյան էջից) է հայտնի  դարձել, որ այսօր՝ հունիսի 20-ին, կայանալու է խորհրդի նիստը՝ տեսչական մարմնի ղեկավարի թեկնածության հարցը քննարկելու համար: Ըստ նույն սոցիալական ցանցի՝ ներկայացվել էր մեկ թեկնածու, որի վերաբերյալ մտահոգություն ունենալով, հասարակական կազմակերպությունները մատնանշել են այլընտրանքային թեկնածուներ առաջադրելու  գաղափարը: Ծառայության երկարամյա փորձ ունեցող մասնագետը՝ Արմեն Վարդանյանը, թեև ուշացած տեղեկանալով այդ մասին, այնուամենայնիվ ողջունել է թափանցիկության և այլընտրանքի հնարավորությունը և հունիսի 20-ին՝ մինչև խորհրդի նիստի սկսվելը, խորհրդի կազմում ներկայացված հասարակական կազմակերպության ներկայացուցիչների՝ Բաբկեն Պիպոյանի, Հակոբ Ավագյանի էլեկտրոնային հասցեներին ներկայացրել է իր կենսագրությունը:

Ցավոք, այսօրվա նիստում Ա. Վարդանյանի թեկնածությունը չի քննարկվել՝ առնվազն մեկ օր առաջ կենսագրականը խորհրդի անդամներին չներկայացնելու պատճառաբանությամբ: Թեև թեկնածուների ներկայացման ընթացակարգերը  կանոնակարգված չեն, արդյունքում պարզվել է, որ, այնուամենայնիվ, անհասկանալի սկզբունքով ընդունվել են երեք այլ թեկնածություններ և քննարկվել: Սա հիմք է տալիս եզրակացնելու, որ մեկ օր առաջ  խորհրդի կազմը հրապարակելու և հաջորդ իսկ օրը նիստ անցկացնելու իրողության պարագայում գործնականում այդ պահանջի ապահովումը իրատեսական և օբյեկտիվ չէ՝ հաշվի առնելով նաև թեկնածուների ներկայացման և նիստի անցկացման վերաբերյալ ընթացակարգի փաստացի բացակայությունը:

Արմեն Վարդանյանը Ծառայության գործունեության ոլորտներին ամբողջապես տիրապետող, ՀՀ գյուղատնտեսության նախարարության համակարգում պետական աշխատանքային և ղեկավարման երկարամյա փորձով, ծառայության ստեղծման հիմք հանդիսացող  սննդի անվտանգության ու անասնաբուժական տեսչության և սննդամթերքի անվտանգության պետական ծառայության ստեղծման և կայացման գործում բացառիկ դերակատարություն ունեցող մասնագետ է, ով վայելում է աշխատանքային կոլեկտիվի հարգանքը և անվերապահ աջակցությունը:

Ձեր ուշադրությունն ենք հրավիրում վերը նշված հանգամանքների վրա և ակնկալում, որ կանցկացվի սննդամթերքի անվտանգության տեսչական մարմնի խորհրդի ևս մեկ նիստ, որում կքննարկվեն բոլոր հնարավոր թեկնածությունները:

Կից ներկայացվում է Արմեն Վարդանյանի կենսագրությունը:

Անհրաժեշտության դեպքում կներկայացվեն Ծառայության աշխատողների երաշխավորությունը հաստատող ստորագրությունները:

Հարգանքով՝     Ծառայության աշխատակիցներ

ՀՀ ԳՆ  սննդամթերքի անվտանգության պետական ծառայություն

ԱՐՄԵՆ ԱԼԲԵՐՏԻ ՎԱՐԴԱՆՅԱՆ

Էլ. հասցե` [email protected], հեռ`/ 099/ 235-535

ԱՆՁՆԱԿԱՆ ՏՎՅԱԼՆԵՐ

Ծնվել է                         20.01.1977թ, Հայաստանի Հանրապետություն,  քաղաք Սևան:

ԿՐԹՈՒԹՅՈՒՆ

1983-93թթ                   սովորել և գերազանցությամբ ավարտել է Սևանի թիվ 4 միջնակարգ դպրոցը.

1994-1999թթ               սովորել և գերազանցությամբ ավարտել է Հայկական գյուղատնտեսական ակադեմիայի անասնաբուժական բժշկագիտության ֆակուլտետը.

1999-2002թթ              սովորել և գերազանցությամբ ավարտել է ՀՀԳԱ ասպիրանտուրան` համաճարակաբանություն,   մանրէաբանություն, իմունաբանություն, սնկաբա-նություն մասնագիտացմամբ.

2002թ                          պաշտպանել է թեկնածուական թեզ և ստացել անասնաբուժական գիտությունների թեկնածուի գիտական աստիճան, գիտական հոդվածների, թեզերի, մեթոդական ցուցումների հեղինակ:

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆ

1999-2002թթ               ՀՀ գյուղատնտեսության նախարարության <<Մարտունու անասնաբուժական սպասարկման կենտրոն>>,  անասնաբույժ.

2003-2004թթ               ՀՀԳԱ համաճարակաբանության և մակաբուծաբանության ամբիոն,  ասիստենտ և դասախոս.

2004-2005թթ              ՀՀ գյուղատնտեսության նախարարության <<Հակահամաճարակային և ախտորոշիչ կենտրոն>> ՊՈԱԿ,  անասնաբույժ շիճուկաբան, մանրէաբան.

2005-2007                   ՀՀ գյուղատնտեսության նախարարության աշխատակազմի անասնաբուժական պետական տեսչություն, գլխավոր մասնագետ.

2007-2011թթ               ՀՀ գյուղատնտեսության նախարարության աշխատակազմի սննդամթերքի անվտանգության և անասնաբուժական պետական տեսչություն, 2007-2008թթ` սահմանային հսկիչ կետերի համակարգման բաժնի գլխավոր մասնագետ, 2008-2009թթ` Գեղարքունիքի մարզային կենտրոնի պետ, 2009-2011թթ` պարենային հումքի, դեղերի և կերի հսկողության բաժնի պետ

2011 թ-ից մինչ օրս    ՀՀ գյուղատնտեսության նախարարության կառավարման ոլորտում գործող սննդամթերքի անվտանգության պետական ծառայություն, աշխատակազմի ռազմավարության, պլանավորման, մեթոդաբանության և մոնիթորինգի վարչության պետ, ունի ՀՀ քաղաքացիական ծառայության 1-ին դասի խորհրդականի դասային աստիճան:

Աշխատանքային գործունեության ընթացքում`

2005թ-ին ՀՀ վարչապետի  որոշմամբ պարգևատրվել է շնորհակալագրով ՀՀ գյուղատնտեսության նախարարությունում բարեխիղճ և արդյունավետ աշխատանքի համար.

2016թ-ին ՀՀ ԳՆ սննդամթերքի անվտանգության պետական ծառայության պետի հրամանով պարգևատրվել է սննդամթերքի անվտանգության ապահովման և համակարգի կայացման գործում նշանակալի ավանդի և կատարած արդյունավետ աշխատանքի համար.

2017թ-ին ՀՀ գյուղատնտեսության նախարարի հրամանով պարգևատրվել է շնորհակալագրով  գյուղատնտեսության զարգացման  գործում ունեցած նշանակալի ավանդի և բեղմնավոր աշխատանքի համար:

Համակարգել և կանոնակարգել է սննդամթերքի անվտանգության պետական ծառայության գործունեության պլանավորումը, մեթոդաբանական և մոնիթորինգային վերլուծության աշխատանքները:

Մշակել  է  սննդամթերքի անվտանգության պետական ծառայության ոլորտային գործունեության օրենսդրական դաշտը`

1/ անասնաբուժության, սննդամթերքի անվտանգության ոլորտային օրենսդրությունը <<Անասնաբուժության մասին>> , <<Սննդամթերքի անվտանգության մասին>>, <<Բուսասանիտարիայի մասին>>, <<Սննդամթերքի անվտանգության պետական վերահսկողության մասին>> ՀՀ օրենքները,

2/ սննդամթերքին առնչվող տեխնիկական կանոնակարգեր, ոլորտները կանոնակարգող ՀՀ կառավարության որոշումներ, ՀՀ գերատեսչական նորմատիվ և անհատական  ակտեր /հրամաններ/,

3/ անասնաբուժական ծառայության կազմակերպման համակարգային փոփոխության` համայնքային անասնաբույժների ինստիտուտի ձևավորման  քայլերը և գործողությունները

4/ կենդանիների համարակալման, նույնականացման և գրանցման համակարգի ձևավորման քայլերը և գործողությունները

5/պարտադիր սպանդանոցային մորթի անցման համակարգի ձևավորման քայլերը և գործողությունները

5/ կենդանիների վարակիչ հիվանդությունների  դեմ պայքարի ազգային ծրագրեր, կանխարգելման և վերացման հրահանգներ,

6/ հիվանդությունների հսկողության և սննդամթերքի անվտանգության ապահովմանն ուղղված մոնիթորինգային ծրագրեր:

2011-2014թթ-ին սննդամթերքի անվտանգության պետական ծառայությունում համակարգել է ՀՀ-Եվրոպական Միություն, խորը և համապարփակ ասոցացման  համաձայնագրի սանիտարիա և բուսասանիտարիա ոլորտներում սահմանված պարտավորությունների կատարումն ապահովող սննդամթերքի անվտանգության  համակարգի ռազմավարությունը և ռազմավարությամբ սահմանված  գործողությունների` ինստիտուցիոնալ  փոփոխությունների իրականացման աշխատանքները.

2014թ-ից մինչ օրս սննդամթերքի անվտանգության պետական ծառայությունում  համակարգել է Եվրասիական Տնտեսական Միությանն անդամակցության ճանապարհային քարտեզի մշակման և քարտեզով նախատեսված գործողությունների` ինստիտուցիոնալ  փոփոխությունների իրականացման աշխատանքները:

2015թ-ից Եվրասիական Տնտեսական Միությունում սանիտարական, բուսասանիտարական, տեխնիկական կանոնակարգման ոլորտներում գործող մասնագիտական աշխատանքային խմբերում ՀՀ լիազոր մարմնի ներկայացուցիչ:

2017թ-ից Եվրասիական տնտեսական միությունում սանիտարական, բուսասանիտարական, տեխնիկական կանոնակարգման ոլորտներում գործող խորհրդատվական կոմիտեներում  և ենթակոմիտեներում ՀՀ լիազոր մարմնի ներկայացուցիչ:

2017թ-ից Եվրասիական տնտեսական միության դեղագրքի` ֆարմակոպեայի կոմիտեի անդամ:

Սննդամթերքի անվտանգության, անասնաբուժության ոլորտներում միջազգային փորձի ուսումնասիրություն, վերապատրաստման դասընթացներ և կուրսեր, սեմինարներ  Եվրոպական  և ԱՊՀ անդամ երկրներում, ԱՄՆ-ում, Չինաստանում:

Ամուսնացած է, ունի 2 երեխա: