Այսօր Երեւանի ընդհանուր իրավասության դատարանի Շենգավիթի նստավայրում շարունակվում էր «Սասնա ծռերի» 10 անդամի գործով դատավարությունը:
Խմբավորման անդամներից Գագիկ Եղիազարյանի շահերի պաշտպան Տիգրան Եգորյանը միջնորդություն ներկայացրեց իր պաշտպանյալի խափանման միջոցը` կալանքը փոփոխելու վերաբերյալ։
Գագիկ Եղիազարյանի համար անձնական երաշխավորություն են ներկայացրել «Ծառուկյան» դաշինքի պատգամավորներ Նաիրա Զոհրաբյանն եւ Սերգեյ Բագրատյանը։
Փաստաբանն ասաց, որ իր պաշտպանյալն ազատ արձակվելուց հետո ցանկանում է իր անձնական կյանքը դասավորել: Աշխատելու է: Նա ունի մշտական բնակության վայր: Նիստն ընդմիջվեց:
Դատավորը պահանջում է, որ պատգամավորները դատարանի դահլիճ ներկայանան, անձամբ ներկայացնեն իրենց երաշխավորությունը:
Քիչ առաջ, Aravot.am-ի հետ զրույցում Նաիրա Զոհրաբյանն ասաց, որ ինքն ու իր գործընկերն անպայման կգնան դատարան:
Նելլի ԳՐԻԳՈՐՅԱՆ
