Այսօր Երեւանի ընդհանուր իրավասության դատարանի Շենգավիթի նստավայրում «Սասնա ծռերի» դատին մասնակցող ՊԲ նախկին հրամանատար, օրերս կալանքից ազատված Սամվել Բաբայանից լրագրողները հետաքրքրվեցին`պե՞տք է փոխվեն «Սասնա ծռերի» այն անդամների խափանման միջոցները եւս, ովքեր մեղավոր են ոստիկանների սպանության մեջ: Լրագրողները հիշեցրին նաեւ սպանված ոստիկանների հարազատների վրդովմունքը`«Սասնա ծռերի» խափանման միջոցը փոխելու հետ կապված:
«Խփողների վրա պետք է քրեական գործ հարուցվի, հաստատվի, էդ մարդիկ պատիժ կրեն»,- ասաց Սամվել Բաբայանը` հավելելով, որ սպանված ոստիկանների հարազատների հետ էլ պետք է զրուցեն, բացատրեն, «որ մարդիկ չեն գնացել մարդ խփելու. էդ է եղել ստեղծված իրավիճակում ու պատիժը բարձրագույնը չլինի»:
Սամվել Բաբայանը հավաստիացնում է, որ «Սասնա ծռերը» մարդասպաններ չեն. «Ես իրանց ճանաչում եմ: Այն էն մեկը, Մխիթարը, ես իրան ճանաչում եմ,Ղարաբաղից ա, Գերմանիա ծառայած, իմ մոտ «աֆիցեր» է եղել, ինստիտուտ ավարտած…սխալ է, չպետք է անեին դա: Ես հո չեմ ասում`արել են ճիշտ են արել, էշություն են արել: Բայց հիմի կատարվել է: Ի՞նչ անենք`կոտորե՞նք էս մի կողմին: Պետք է գտնել ոսկի միջինը: Բայց էդ ընդհանուրը արել են բոլորիս համար, որ էս կենդանիներից պրծնենք: Փաշինյանը կարողացել է երիտասարդներին համախմբի, խնդիրը էս ձեւով լուծվեց, իրանք չեն կարողացել, էս ձեւով են արել: Բայց մեկ է, իտոգը գալիս է մեր ընդհանուրի խնդիրը լուծելուն»:
Նելլի ԳՐԻԳՈՐՅԱՆ
