2018թ. մարտի 31-ին Գյումրիում Նիկոլ Փաշինյանը մեկնարկ տվեց «Իմ քայլը» նախաձեռնությանը:
100 հազարավոր քաղաքացիներ միացան նախաձեռնությանը և թավշյա հեղափոխությունը հաղթանակեց: Հայաստանը զարթոնք ապրեց և ապշեցրեց ողջ աշխարհի առաջադեմ մարդկությանը և միաժամանակ մտորումների գիրկը տարավ թաղի, համայնքի, քաղաքի, պետությունների բռնակալներին:
Վարչապետի ընտրությունից 40 օր անց հայ ոգին տակնուվրա եղավ` տեսնելով Մանվել Գրիգորյանի մասին տեսանյութը:
Այսօր շարքային քաղաքացիները և բարձրաստիճան այրերը` բոլորը զարմացած են: Սակայն առայժմ լուռ են ՀՀ-ի 1-ին, 2-րդ և 3-րդ նախագահները, որոնց կառավարման տարիներին օր-օրի անբռնազբոսիկ ձևով ձևավորվել է Մանվել Գրիգորյանը:
Անցած տարիներին երեք նախագահներն էլ իրենց պատկերացման մակարդակով Մանվելին տվել են անվերահսկելի արտոնություններ և թույլատրել են ոչ միայն շրջանցել օրենքները, այլև սրբությունները: Այսօր Մանվել Գրիգորյանը կալանավորված է և հերթական պարտիայում խաղում է սպիտակներով ու գրանցում է իր գաղտնի քայլը…:
Գառնիկ Վաղարշակյան
Հայաստանի բուհերի արհեստակցական
կազմակերպությունների ճյուղային
հանրապետական միության նախագահ
