«Հայաստանում կատարվող բացահայտումները ցույց են տալիս, որ երկրում բեսպրեդել է եղել»-այսօր այսպիսի կարծիք հայտնեց Պետական վերահսկողական ծառայության ղեկավար Դավիթ Սանասարյանը՝ արձագանքելով ԵԿՄ նախագահ, ԱԺ պատգամավոր Մանվել Գրիգորյանի շուրջ ծավալված իրադարձություններին: Նրա համոզմամբ, մեղավորները պետք է պատժվեն. «Հանրությունը ծանր ապրումներ ունի, սպասում եմ, թե էս վիճակից ոնց ենք դուրս գալու»:
Դավիթ Սանասարյանի խոսքով, իրենք ամեն ինչ անում են, որպեսզի այդ ամենը մնա պատմության գրկում. «Բայց այդ էջերը փակելուց մենք հստակ առիթ չտանք, որ նոր նման էջ բացի»:
Դավիթ Սանասարյանը նաեւ ասաց, որ պատերազմող երկրի համար նման բացահայտումները պետական դավաճանություն է. «Դուք ինքներդ կտեսնեք, թե պաշտպանության նախարարությունից ինչեր են դուրս գալու»:
Հարցին, թե Սերժ Սարգսյա՞նն է եղել այս ամենի հովանավորը՝ պարոն Սանասարյանն ի պատասխան ասաց. «Այս մթնոլորտի քավորը Սերժ Սարգսյանն է: Երբ Մանվել Գրիգորյանը թույլ է տվել այս կամ այն արարքները, դրա միակ պատասխանատուն նախկին իշխանության առաջին դեմքն է»:
Լուսինե ԲՈՒԴԱՂՅԱՆ
իսկ տասը տարի շարունակ Պաշտպանութեան նախարարը՞… նա ուրիշ նի՞ւթ է, մեյ մը որ, տասը տարի ետք, պաշտօնանկ լինելէ ետք, յանկարծ դարձաւ «ընդդիմութիւն»…