Aravot.am-ի հարցին, թե Մանվել Գրիգորյանի պահեստում հայտնաբերված ապրանքների քանակից կարելի էր ենթադրել, որ տարիներ ի վեր է այն կուտակվել, ինչո՞ւ ԱԱԾ-ն վերջին մեկ-երկու ամիսներին սկսեց այդ մասին օպերատիվ տվյալներ ստանալ, Ազգային անվտանգության տնօրեն Արթուր Վանեցյանն ասաց, որ ինքն այդ հարցին, չի կարող պատասխանել, քանի որ ԱԱԾ տնօրեն նոր է նշանակվել եւ նոր է տվյալները ստացել:
Մեր այն դիտարկմանը, թե նա համակարգի երկարամյա աշխատակից է, պարոն Վանեցյանը պատասխանեց. «Ես չեմ զբաղվել Արմավիրի մարզով, տարածքային օպերատիվ գործողություններ այդ մարզում չեմ իրականացրել եւ իմ գործառույթների մեջ մտել են այլ ոլորտներ»:
Հարցին, թե նման աղմկոտ բացահայտումներ սպասվո՞ւմ են, պարոն Վանեցյանն ասաց, որ ԱԱԾ-ն աշխատում է բնականոն եւ իր աշխատանքն է իրականացնում եւ եթե կլինեն փաստեր, որ կվկայեն այս կամ այն անձի կամ կազմակերպությունների կողմից իրականացրած ապօրինությունների մասին, արձագանքը կլինի համապատասխան:
Հարցին, թե Մանվել Գրիգորյանի գործով փոխկապակցված անձինք կա՞ն, պարոն Վանեցյանն ասաց, որ ինքը չի կարող պատասխանել, քանի որ քննության փուլում է:
Մանրամասները՝ տեսանյութում
Լուսինե ԲՈՒԴԱՂՅԱՆ
