«Առաջնագծում փոքր-ինչ լարվածություն կա, բայց վերահսկելի է», – այսօր ԱԺ-ում խոսելով առաջնագծի մասին՝ ասաց ՊՆ փոխնախարար Գաբրիել Բալայանը:
Նա ասաց, որ «իրենց մասով կա որոշակի տեղաշարժ, բայց ոչ մեր դիրքերի կամ մեր տարածքների հաշվին: Մեր զինված ուժերը միանշանակ պատրաստ են դիմակայել»:
Բալայանն ասաց, որ ապրիլյան պատերազմից հետո ՊՆ-ն փոխել է իր քաղաքականությունը. «Շփման գծում տեղի ունեցած փոփոխությունները հստակ տեղավորվում են մեր պաշտպանական քաղաքականության համատեքստում եւ ուզում եմ հավաստիացնել, որ եթե հակառակորդի կողմից որոշակի փորձ է կատարվում ինչ-որ իրավիճակ փոխելու, տեղում արձագանքվում է եւ հանկարծ կարծիք չստեղծվի, որ մեր զինված ուժերը նայում են, թե իրենք ինչպես են այդ գործողություններն իրականացնում: Համարժեք պատասխանը տրվում է»:
Հռիփսիմե ՋԵԲԵՋՅԱՆ
