«Կատարվածն ամենախիստ պատժին է արժանի»,-«Հայացք» մամուլի ակումբում այսօր լրագրողների հետ հանդիպմանն անդրադառնալով այն փաստին, որ ըստ ԱԱԾ տեսանյութի՝ ՀՀԿ-ական պատգամավոր, գեներալ Մանվել Գրիգորյանի պահեստներում հայտնաբերվել են ապրիլյան գործողությունների ժամանակ բանակին ուղարկված նվիրատվությունները, ասաց «Ժառանգություն» կուսակցության փոխնախագահ Արմեն Մարտիրոսյանը:
«Այստեղ բարոյական խնդիր կա. դպրոցականի փաթեթը զինվորին հասցնելու փոխարեն կենդանուն տալը որեւէ բարոյական նորմի մեջ չի մտնում»,-համոզմունք հայտնեց Արմեն Մարտիրոսյանը: Նա կարծում է, որ առաջիկայում կրկին նմանօրինակ բացահայտումներ կլինեն:
«Ժառանգության» փոխնախագահը նշեց, որ ներկայումս ՀՀ-ն մեծ հնարավորություն է ստացել իսկապես զարգանալու եւ իր քաղաքացիների սոցիալ-իրավական ապահովությունը կյանքի կոչելու, ուստի պատվով պետք է դուրս գա այս ժամանակահատվածից:
https://www.facebook.com/aravot.am/videos/2033020520049786/
Լուիզա ՍՈՒՔԻԱՍՅԱՆ
