Այն, ինչ կատարվեց երեկ Էջմիածնում՝ հանրահավաք, բողոքի երթ, քաղաքապետի հրաժարականի պահանջ, սուր ելույթներ ու քննադատություններ, բնականաբար, ո՛չ մեկ օրվա և ո՛չ էլ մեկ տարվա ընթացքում կուտակված հիասթափության և դժգոհությունների դրսևորում էր: Խնդիրը շատ ավելի խորը արմատներ ունի:
Չնայած ի սկզբանե հայտարարված էր, որ հանրահավաքն ու բողոքի գործողություններն ընդդեմ գործող քաղաքապետ Կարեն Գրիգորյանի էին, սակայն հասկանալի էր, որ էջմիածնեցիքի հիմնական բողոքն ու պահանջներն ուղղված են քաղաքապետի հորը՝ ԵԿՄ նախագահ, գեներալ Մանվել Գրիգորյանին: Ինչպես հանրահավաքի մասնակիցներն ու ելույթ ունեցողներն էին նշում՝ վերջինը, չարաշահելով դիրքն ու գործունեությունը, տարիներ շարունակ վախի մթնոլորտ է տարածել Էջմիածնում, սպառնացել ու ահաբեկել բազմաթիվ քաղաքացիների, տիրացել տարբեր տարածքների ու շինությունների, ծեծի ենթարկել թե՛ իր համար ոչ ցանկալի քաղաքական գործունեություն ծավալող անձանց, թե՛ շարքային էջմիածնեցիների, որոնց հետ, այս կամ այն խնդրի բերումով, գործ է ունեցել:
Ի՞նչ է կատարվել տարիներ շարունակ մեր հոգևոր կենտրոնում և ի՞նչ տեղի ունեցավ երեկ. թեմայի մանրամասները ներկայացնում ենք տեսանյութում:
Սուրեն ՍԱՐԳՍՅԱՆ
