Ռուսաստանի դաշնության կառավարությունում ընթանում է վարչապետ Դմիտրի Մեդվեդեւի եւ ՀՀ վարչապետ Նիկոլ Փաշինյանի հանդիպումը: Քննարկվելիք հարցերի մանրամասները դեռ հայտնի չեն:
Հիշեցնենք, որ ավելի վաղ աշխատանքային այցով Մոսկվայում գտնվող ՀՀ վարչապետն իր «ֆեյսբուքյան» էջով տեղեկացրել էր, որ Մոսկվա կատարելիք այցի ժամանակ նաեւ ռուսաստանցի իր պաշտոնակցին է հանդիպելու, թեեւ պաշտոնական արարողակարգում այդ մասին նշված չէր:
Մինչեւ Մեդվեդեւի հետ հանդիպումը Նիկոլ Փաշինյանը ընդունելության է արժանացել Ռուսաստանի հայ համայնքի ներկայացուցիչների մոտ: Այդ հանդիպման մանրամասները եւս դեռ հայտնի չեն:
Ավելի ուշ՝ երեկոյան, ՀՀ վարչապետը մասնակցելու է ֆուտբոլի աշխարհի առաջնության բացմանը՝ դիտելով Ռուսաստան-Սաուդյան Արաբիա հանդիպումը:
Լուիզա ՍՈՒՔԻԱՍՅԱՆ
