Քիչ առաջ Կրեմլում մեկնարկեց Պուտին-Փաշինյան հանդիպումը։ Հիշեցնենք, որ ՀՀ վարչապետ Նիկոլ Փաշինյանը Մոսկվա է ժամանել մասնակցելու Ֆուտբոլի աշխարհի 2018 թվականի բացման արարողությանը, որը կկայանա հունիսի 14-ին Մոսկվայի «Լուժնիկի» մարզադաշտում:
Հիշեցնենք նաև, որ ըստ Փաշինյանի մամուլի խոսնակ Արման Եղոյանի հայտարարության, Փաշինյանի Ռուսաստան կատարելիք այցի շրջանակում Ադրբեջանի նախագահ Իլհամ Ալիևի հետ հանդիպում նախատեսված չէ։
Սա Փաշինյանի երկրորդ այցն է ՌԴ և երկրորդ հանդիպումը Վլադիմիր Պուտինի հետ։ Նախորդը կայացել էր մայիսի 14-ին Սոչիում՝ ԵԱՏՄ երկրների գագաթնաժողովի շրջանակներում։
Լուիզա ՍՈՒՔԻԱՍՅԱՆ
