Խորհրդարանում քննարկվում է «Պետգույքի մասնավորեցման 2017-2020 թթ ծրագրի կատարման տարեկան հաշվետվությունը հաստատելու մասին» հարցը:
Տնտեսական զարգացման եւ ներդրումների նախարար Արծվիկ Մինասյանն ասաց, որ մեկ տարվա ընթացքում՝ 2017-ին, մասնավորեցվել է 2 ընկերություն պետական սեփականություն հանդիսացող բաժնեմասերը, որոնցից մեկը «Բյուրեղ» հանքային ջրերի ՓԲԸ ընկերությունն է, որտեղ պետությունը 9,034 տոկոս բաժնեմաս ուներ: Երկրորդը՝ «Ընդերքաբանի Մեղրաձորի բազա» ՓԲԸ-ի 100 տոկոս պետական բաժեմասը: 66 մլն 415 հազար դրամ են ստացել մասնավորեցումից, որից 4 մլն-ը մուտքագրել են համայնքային բյուջե:
Նոր սեփականատերերից պայմանագրային պարտավորությունները ստանձնել են 10 գնորդներ, որոնցից 6-ը իրենց պարտավորությունները կատարել են, իսկ 3-ը չեն կատարել, նրանց դեմ հայցեր են ներկայացվել դատարան: Իսկ ընկերություններից մեկի՝ «Դվին հյուրանոց համալիր» ՓԲԸ-ի կողմից պայմանագրով լրացուցիչ պարտավորությունների ստանձնման հարցը գտնվում է քննարկման փուլում:
Հռիփսիմե ՋԵԲԵՋՅԱՆ
